Garai batean, usoak urri hasieran pasatzen ziren eskualdetik. Azken urteotan, ordea, gero eta beranduago pasatzen dira. Arrazoiak ugariak izan daitezkeela diote adituek. Julen Rekondo kimikaria eta ingurumen gaietan aditua den kazetaria, erraterako, aste honetan honela mintzatu da Noticias egunkarian: «alde batetik, lehen baino denbora gehiago pasatzen dute klima beroagoa den tokietara joateko egiten duten bidaian, Landetan arto aunitz izaten dute jateko eta azken urteotan abenduan ere uso-multzoa handiak pasatu izan dira. Bertzetik, garai batean Nafarroako Pirinioetatik egiten zuten bidea orain bertze tokietatik egiten dutela ere izan daiteke arrazoia eta aldaketa klimatikoaren ondorio izan daitekeela ere aipatzen duenik ere bada, nahiz eta ez dagoen hori hala dela baieztatzen duen ikerketarik».
Datuak
Datuak dira ehiza denboraldia hasi zenetik uso gutti pasatu direla erakusten dutenak. Etxalarko usategietan, konparazio batera, sare bidez orain arte 47 dozena bildu dituzte aurten, joan den urtean ehizatu zuten kopuruaren erdia. Eta eguraldia eta sare bidezko denboraldia azaroaren 18an bukatuko dela kontuan hartuz, ez dirudi datua aunitz aldatuko denik.
Bertzalde, Palombe.com usazaleen atariaren datuak ere joera horren lekuko dira. 1999az geroztik Sara, Arnegi, Banka eta Urruñatik –garai batean Iratikoak ere bai– pasatzen diren uso kopurua neurtzen du atari horrek, urriaren erdialdetik azaroaren erdialdera bitarte. Herriz herri dituzten kolaboratzaileen laguntzarekin bildutako kopuruak dira eta horren arabera, iazkoa sasoi ona izan zen, baina aurtengoak ez du joan den urtekoaren itxurarik. Palombe.com atariaren arabera, joan den urtean urriaren erdialdetik azaroaren erdialdera 268.943 uso pasatu ziren Saratik, eta aurten, urriaren 15etik azaroaren 6rako datuak hartuz, 22.834 uso baino ez dira igaro, iazko kopuruaren %8a baino ez. Datuok urruti daude 2008an pasatu ziren 743.331 edo 2012ko 606.167 usoetatik.
ARNEGI | BANKA | IRATI | SARA | URRUÑA | GUZTIRA | |
1999 | 1.144.912 | 582.576 | 84.135 | 427.432 | 548.571 | 2.787.626 |
2000 | 391.742 | 449.558 | 61.378 | 264.557 | 389.752 | 1.556.987 |
2001 | 651.779 | 375.267 | 72.556 | 312.164 | 417.017 | 1.828.783 |
2002 | 648.931 | 358.833 | 274.383 | 490.954 | 279.360 | 2 052.461 |
2003 | 185.891 | 421.069 | 72.674 | 247.557 | 696.961 | 1.624.152 |
2004 | 344.222 | 273.383 | - | 538.408 | 664.167 | 1.820.180 |
2005 | 527.001 | 263.013 | - | 395.838 | 1 291.616 | 2.477.468 |
2006 | 550.975 | 462.904 | - | 313.499 | 193.113 | 1.520.491 |
2007 | 832.726 | 296.790 | - | 357.089 | 156.669 | 1.643.274 |
2008 | 217.374 | 301.192 | - | 742.331 | 947.472 | 2.208.369 |
2009 | 288.615 | 285.655 | - | 177.554 | 558 714 | 1.310.538 |
2010 | 105.084 | 135.794 | - | 369.030 | 418 092 | 1.028.000 |
2011 | 125.382 | 314.384 | - | 125.297 | 875 406 | 1.440.469 |
2012 | 437.253 | 551.807 | - | 606.167 | 854.397 | 2.449.624 |
2013 | 394.957 | 398.421 | - | 595.124 | 204.160 | 1.592.662 |
2014 | 359.264 | 497.811 | - | 274.670 | 294.002 | 1.425.747 |
2015 | 237.882 | 236.249 | - | 152.325 | 1.268.616 | 1.895.072 |
2016 | 196.463 | 350.167 | 543.037 | 277.276 | 1.366.943 | |
2017 | 101.991 | 254.139 | 320.768 | 540.497 | 1.217.395 | |
2018 | 1.150.103 | 423.219 | 268.943 | 978.120 | 2.820.385 | |
2019 | 17.391 | 36.666 | 22.834 | 275.063 | 351.954 |