Baztango, Bortzirietako eta Malerrekako Solaslaguna 2007an sortu zen. Solaslaguna programan euskarazko mintzamena hobetu nahi duten hiztunak, txukun solastatzen direnekin elkartzen dira talde ttikietan (normalean launaka edo bosnaka), astean behin eta ordu betez. Asteroko hitzorduaz gain, ikasturtean hainbat saio osagarri ere antolatzen dituzte, eta Solaslaguneko partaideak eta, oro har, euskaraz solastatzen den edonor joaten ahal da.
Solaslaguna bezalako programetan parte hartzen dutenek euskara maila hobetzeaz gain, gehiagotan erabiltzen dute eta ongi pasatzen dute, saioetan arront gustura egoten direla aitortzen dute.
Solaslaguna programan parte hartu nahi baduzu edo programari buruzko informazioa jaso, aukera polita izanen duzu aurkezpen-merienda horietan. Informazio gehiago 610 920673 telefonoan edo solaslaguna@topagunea.eus helbide elektronikoan edo http://solaslaguna.blogspot.com webgunean.