Lehenbiziko jardunaldian tiraldi guztiak irabazi zituzten Lesakako taldeek. Gizasemeen artean, lesakarrek lau puntu eskuratu zituzten, Txantreak hiru, Berriozarrek bi eta Antsoainek bat. Emakumezkoetan, Beti Gaztek hiru puntu lortu zituen, Txantreak bi eta Antsoainek bat. Talde horiek Elizondon ariko dira larunbat honetan, 17:00etan hasiko den jaialdian.
600 eta 520 kiloko kategorietan sariak banatuta, azaroaren 2an Leitzan, txapelketa mistoko eta emakumeen 480 kiloko lehenbiziko jardunaldiak jokatuko dituzte eta azaroaren 9an Lesakan, bi kategoria horietako bigarren jardunaldiak jokatu eta txapelak banatuko dituzte. Bi kategoria horietan ere taldea aterako du Beti Gaztek.