Altsasuko gazteak gogoan larunbatean eginen den mobilizaziora autobusez joateko gaur da apuntatzeko azken eguna

Hau ez da justizia, sententzia desmontatuz, Altsasutik Iruñera lelopean elkarretaratzea eginen da larunbatean Iruñean, Nafarroako Justizia Jauregiaren aitzinean. 17:00etan egin dute hitzordua. Aitzinetik, Altsasuko gazteen auzia salatzeko larunbatean Altsasutik Iruñera egitekoa den duintasunaren martxari Antoniutti parkean harrera eginen diote, 16:30ean. Larunbatean Iruñera joateko autobusak antolatuak dira eskualdetik eta norbaitek interesa badu, gaur, ortzeguna, izanen du apuntatzeko aukera. Interesatuek Lesakako Arranon eman behar dute izena eta adierazi dutenez, autobusean azken eserlekuak baino ez dira gelditzen libre.