Aiako Harritik Kataluniara elkartasun keinu argia

Atzo, iluntzean, mendizale talde bat Aiako Harrian bildu zen, Kataluniako mobilizazioen aitzinean elkartasuna adierazteko asmoz. Elkartasunaren adierazle izan ziren piztutako argiak, 2017an Kataluniako mugimendu independentistak Montserraten egin zuen ekintza bera gogoratu zuten. Horrez gain, «Erreferenduma ez da delitua» mezua zabaldu zuten, lau haizetara. Sare sozialetan ekintzak utzitako irudi ikusgarriak erakusteaz gain, larunbatean Donostiara joateko deia egin dute.