Kataluniarekin elkartasunean elkarretaratzeak egin dituzte eskualdean

2017ko urriaren 1eko erreferendumagatik epaitu diuzten buzuragi independentistei hainbat urtetako kartzela-zigorra ezarri diete 

Kataluniako politikarien aurkako epaia salatzeko elkarretaratzeak egin dituzte astelehen arratsaldean Elizondon, Leitzan eta Lesakan, ‘Erreferenduma ez da delitu’ goiburupean.

Espainiako Auzitegi Gorenak 9 eta 13 urte bitarteko espetxe zigorrak ezarri dizkie Kataluniako 2017ko urriaren 1eko erreferendumagatik epaitu dituen bederatzi buruzagi independentistari. Behin-behinean espetxean zeudenak dira kartzelara zigortu dituenak. Bertze hiru, berriz, desobedientziagatik zigortu dituzte, eta, beraz, ez dira espetxera joanen.

Hauek dira zigortuak: Oriol Junqueras (13 urteko espetxe zigorra eta 13 urteko inhabilitazioa), Raul Romeva (12 urteko zigorra eta 12 urteko inhabilitazioa), Joaquin Forn (10 urte eta erdiko zigorra eta 12 urteko inhabilitazioa), Jordi Turull (12 urteko zigorra eta 12 urteko inhabilitazioa), Josep Rull (10 urte eta erdiko zigorra eta 10 urte eta erdiko inhabilitazioa), Dolors Bassa (12 urteko zigorra eta 12 urteko inhabilitazioa), Carme Forcadell (11 urte eta erdiko zigorra eta 11 urte eta erdiko inhabilitazioa), Jordi Sanchez (9 urteko zigorra eta 9 urteko inhabilitazioa) eta Jordi Cuixart (9 urteko zigorra eta 9 urteko inhabilitazioa).

Desobedientziagatik zigortu dituztenak Santi Vila, Carles Mundo eta Meritxell Borras  dira. Hiru horiei 60.000 euroko isun ekonomikoa eta urtebete eta zortzi hilabeteko inhabilitazioa ezarri diete.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun