Urte honetan goiti egin dute Nafarroan ostatu hartu duten turisten kopuruak eta egonaldien iraupenak

Ttipi-Ttapa 2019ko urr. 10a, 19:00
Zugarramurdiko lezeak dira Nafarroan bisitari gehien hartzen dituzten lekuetako bat.

Gehien bisitatutako lekuen artean ageri dira Zugarramurdiko lezeak eta Bertizko Natur Parkea

 

Milioi bat turista baino gehiagok igaro dute gaua Nafarroan araututako turismo ostatuetan urteko lehenbiziko zortzi hilabeteetan, hau da, iazko epealdi berean baino %4,2 gehiagok. Horrez gain, igarotako gauak %6,2 gehiago izan dira, fakturatutako 2.300.603 gau, alegia, Espainiako Estatistika Institutu Nazionalak turismo establezimenduen okupazioari buruz egin duen inkesten datuek erakusten dutenez. Orokorrean, banaz bertzeko egonaldia 2018an baino %2 altuagoa izan da.

Olite-Erriberriko jauregia, Leireko monasterioa eta Zugarramurdiko lezeak dira Nafarroan bisitatuenak, baina bisitari kopuruan igoerarik handiena Bertiz Natur Parkean ezagutu dute, %25 igo baita bisitari kopurua. Iruñeko katedralean, konparaziora, %16 igo da bisitari kopurua.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun