Andoaingo bidean, Berastegiko irteeran itxiko dute autobidea eta Iruñeko bidean, berriz, Sorabillako loturan, Andoaingo irteeran. Nafarroa eta Gipuzkoa arteko lotura egiteko, GI-2130 errepidea erabili beharko dute gidariek.
Andoaineko bidean doazen ibilgailuek Berastegiko irteeran atera eta GI-2130 errepidean barna, Elduaiendik, Berrobitik eta Ibarratik pasaz Tolosaraino joan beharko dute, eta han N-1 errepidean sartu.
Iruñeko noranzkoan doazenek, Sorabillako lotura itxita egonen denez, N1 errepidean barna Gasteizko noranzkoan segi, Tolosako irteeran atera eta GI-2130 errepide hartu beharko dute. Berastegi parean izanen dute atzera A-15era sartzeko aukera.
Ibilgailu astunei, N1 errepidean Altsasuraino joatea gomendatu diete, handik A10 errepidea (Sakanako autobidea) hartuta Irurtzunera joateko.