Madrilen eginen den ekitaldian hartuko dute kalitatea eta prezioa aitortzen duen txaketatxoa
Nafarroan guztira lau dira sukaldaritza ona arrazoizko prezioan eskaintzeagatik aitortza egiten duen Bib Gourmand Michelin izendapena hartuko dutenak, eta horietatik bi eskualdekoak dira
Sari banaketa ekitaldia ortziralean, urriak 4, Madrilgo Trenaren Museoan eginen dute. Donamariako Bentako Haizea Luzuriaga eta Lourdes Montoyak hartuko dute Bib Gourmand Michelinen txaketatxoa eta Legasako Arotxa jatetxetik Luismi Lacar eta Beatriz Patxeko sukaldariek. Aipatzekoa da, Donamariako bentak laugarrenez hartuko duela saria.
Kalitatea eta prezioa ardatz dituen saria jasotzeko baldintza 35 eurotik beheitiko eskaintza bat izatea da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.