Gazteen laxoa txapelketak aitzinera segitzen du. Dagoeneko lehenbiziko fasea akitu da eta honela gelditu da sailkapena: Doneztebeko B taldea lehenbiziko postuan gelditu da eta hurrenkera honetan gelditu dira gainerakoak: Doneztebe C, Oiz, Irurita B, Irurita A eta Doneztebe B. Lehenbiziko lau taldeek lortu dute finalerdietara sailkatzea.
Finalerdietako joaneko partidak gaur, ortzeguna, eta larunbatean, abuztuak 31, jokatuko dituzte. Gaur, 16:00etan hasita, Xuban Ilarregi, Mikel Mikelarena, Aimar Ariztegi eta Uxue Ilarregik osatutako Oizko taldea, Oier Apezetxea, Markel Jabalera, Jokin Arozena eta Julen Pikabeak osatzen duten Doneztebe C taldearen aurka ariko dira.
Larunbatean, berriz, Irurita B taldeko Jon Sagaseta, Hodei Aleman, Aritz Bikondo eta Julen Urreagak Doneztebe B taldeko David Mitxeo, Urko Oiarzabal, Erik Garcia eta Eneko Maylin izanen dituzte aurkari. 11:00etan hasiko da partida.
Itzuliko partidak irailaren 7an jokatuko dituzte eta finala irailaren 14an izanen da Iruritako plazan. 16:00etan hirugarren eta laugarren posturako lehia jokatuko dute eta 17:30ean final handia.