Nafarroako Gobernuak 118.000 euro banatuko ditu eskualdeko udal musika eskolen artean

Berako musika eskolak jasoko du eskualdean laguntzarik handiena.

Nafarroa osoan 51 udal musika eskolek hartuko dute dirulaguntza, eta Ttipi-Ttaparen eremuan, Berako Isidoro Fagoaga Udal Musika Eskolak, Doneztebeko Udalaren Musika Patronatuak, Baztango Udalak eta Lesakako Udalak.

Musika ikasketa ez arautuak ematen dituzten eskolen mantentze eta funtzionamendu gastuak finantzatzeko helburuarekin onartu du dirulaguntza Nafarroako Gobernuak. Berako Isidoro Fagoaga Udal Musika Eskolak 51.809,80 euroko dirulaguntza jasoko du; Doneztebeko Udalaren Musika Patronatuak 12.696,97 euro hartuko ditu; Baztango Udalak 32.974,40 euro eta Lesakako Udalak 20.707,84 euro.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun