EuskarAbentura

Hilabeteko bizipenak, betirako oroitzapenak

Ttipi-Ttapa 2019ko uzt. 31a, 08:30

Euskal Herriko zazpi lurraldetan barrena 798 kilometro egin ondotik, bukaerara ailegatu da EuskarAbentura. Gaur izanen dute 31 etapak ixteko eta egindako lagunak agurtzeko parada. Gaua Deustun pasata, 09:00etan, itsas museotik abiatuko dira gazteak, Portugaleteraino. 10:00etan Bizkaia zubia zeharkatuko dute eta 11:00etan Getxon harrera instituzionala izanen dute.

Ana De Castro Bizkaiko Foru Aldundiko Euskara Zuzendari Nagusiak eta Amaia Agirre Getxoko alkateak ongietorria eginen diete jzioquitarrei eta 12:30ean amaiera-ekitaldian bilduko dira, Getxoko Muxikebarri Antzokian. Hilabeteko bizipenak agurtzeko eta oroitzapenak errotzeko eguna dute gaur.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun