Monastegi horretan daude gordeta euskarazko esaldi idatzi zaharrenak jasotzen dituen eskuizkribuaren erreplika. Esaldiok glosak dira (Donemiliagako Glosak), Aemilianensis 60 latinezko kodexaren bazterretan X. mendearen bukaeran edo XI. mendearen hasieran euskaraz eskuz idatzitako oharrak dira: “Jzioqui dugu guec ajutu ez dugu”.
Yusotik aterata, berriz ere autobusez, Araba aldera egin zuten, Gesaltzara. Gatzagak bisitatu ostean, herriko igerilekuan eman dituzte arratsaldeko azken orduak eta, eguna borobiltzeko, iluntzean, bertako belardian etzanda, gora begira, astronomia tailerra egin zuten. Hamaika izarreko hotelean egin zuten lo.
Gaur Gesaltzatik Argantzunera joanen dira, 18 kilometro eginen dituzte oinez.