Nafarroa Garaia utzita, Arabako lurretan sartuko dira abenturazaleak gaur. Lau egunez, igandea bitarte, hortxe ibiliko dira. Gaur, hilaren 11a, atseden eguna izanen dute eta autobusez ibiliko dira, aitzineko egunetako nekeari buelta emateko. Vinana – Donemiliaga Kukula – Gesaltza ibilbidea eginen dute.
Egun lasaia bezain aberasgarria izanen da gaurkoa. Izan ere, hasteko, Yusoko monastegia bisitatuko dute, Donemiliagako Glosen (euskarazko idatzizko lehen esaldiak; tartean EuskarAbenturaren leloa den ‘Jzioqui dugu!’) erreplika ikustera. Ondotik, Gesaltzako gatzagetara bisita eginen dute eta gaua izar azpian pasako dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.