Atzo Iruñetik Gareserako ibilaldia egin zuten euskaldun abenturazaleek. Zortzigarren etapa ez zen xamurra izan. Sanferminak utzita gari-soro eta ekilore artean egin zuen aitzinera taldeak Erreniega magalean goiti. Aste batean zehar pilatutako nekea azaleratu zen maldetan, baina portu gainetik Gares ikusteak ilusioz bete zituen jzioquitarrak.
Etaparen bigarren erdia maldan behera egin zuten; Uterga, Muruzabal eta Obanos herriak zeharkatuta iritsi ziren, azkenean, Garesera.
Arratsaldean Koldo Colomo bertako euskara teknikariak hartu zituen, eta soziolinguistika saio egokitua egin dute berarekin: euskararen jatorriaz, Nafarroako egungo egoeraz, eta oinarrizko soziolinguistika kontzeptuez.
Gaur, berriz, Garesetik Lizarrara joko dute. 23 kilometro eginen dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.