Emaitzarik garbiena Irurita Miguelenek lortu zuen Doneztebe Aviari 3-9 irabazi ondotik Bear Zanan eta sailkapena hagitz gertu dute.
Aunitzez estuago joan ziren Doneztebe Mikelo – Irurita Olari eta Doneztebe Apezteguia-Oitz Kokotxea taldeen arteko norgehiagokak. Bietan doneztebarrek 9-8 irabazi zuten, Mikeloren kasuan partidari sekulako buelta eman ondotik. Halere kanpotarrek emaitza onak lortu dituzte eta beraien plazetan sailkapena erdiesten saiatuko dira. Nabarmentzekoa da Bear Zana plazara zale aunitz hurbildu zirela eta giroa bikaina bizi izan zutela.
Joan den urteko txapelduna, Doneztebe The Moment, larri ibili zen Arraiozen. Azkenean 9-6 galdu zuen Sagardiaren kontra, baina 8-3 galtzen joan zirela kontutan hartuta, bizirik atera zirela erran daiteke.