A multzoan, Arraioz-Zubiondoa eta Doneztebe-Titi izan dira txapelketatik kanpo gelditu diren taldeak eta B multzoan, Doneztebe Zarbonet. Bertze zortzio taldeek joan-etorriko kanporaketa bidez jokatuko dituzte final-laurdenak.
Final-laurdenetako joanekoak
Lehenbiziko partida ekainaren 21ean, ortziralean 18:00etan jokatuko dute Doneztebeko Bear Zana pilota-plazan Doneztebe Avia eta Irurita Miguelene taldeek. Doneztebarrak iazko txapeldun ordeak dira, baina laugarren izan dira beraien multzoan. Iruritarrek, aldiz, ligaxkako hamar partidak irabazi dituzte eta faborito dira.
Larunbatean 11:00etan, Arraiozko plazan ariko dira Arraioz Sagardia (B multzoko hirugarrena) eta iaz txapeldun suertatu zen Doneztebe The Moment (A multzoko bigarrena).
Larunbatean 16:00etan, Doneztebeko Bear Zanan ariko dira Doneztebe Mikelo (A multzoko laugarren sailkatua) eta Irurita Olari, B multzoko burua.
Igandean, azkenik, Doneztebeko Bear Zanan ariko dira Doneztebe Apezteguia (A multzoko hirugarrena) eta Oiz Kokoetxea (B multzoko bigarrena).
Joaneko partida hauen ondotik, itzulerakoak jokatuko dituzte eta, gero, finalerdiak eta finala, abuztuaren 3an Iruritako plazan.