Eskualdeko enpresek 3.727.113 euro zor dizkiote Nafarroako Ogasunari

Nafarroan 624 pertsona eta enpresak 302 milioi euro zor dizkiote Ogasunari.

Guztira 624 pertsona eta enpresak 302 milioi euro zor dizkiote Nafarroako Ogasunari.

13/2000 Foru Legeak dioenari jarraiki, Nafarroako Ogasunak zordun nagusien zerrenda argitara eman du. 624 zordunen artean eskualdekoak direnak. Batzuk aspaldi itxi zuten enpresa, erraterako, Aparanek; bertze batzuek, berriz, lanean dihardute oraindik, Zabalak, kasu.

624 zordunek 302 milioi euro zor diote Nafarroako Ogasunari. Horietatik 10 enpresa eskualdekoak dira eta Ogasunarekin 3.727.113,70 euro baino gehiagoko zorra dute. Aipagarriena Doneztebeko Aparan SL da. Kiebra jo eta aspalditxo itxi bazuten ere, 1.308.170,52 euroko zor metatua duena. Egoera bertsuan dago Lesakako Ayala Instalaciones Eléctricas SL. aspaldi itxia izanagatik, Ogasunarekin duen zorra 471.918,61 eurokoa da. Alkaiagako industrialdean dagoen Bera Rubber’s SL-k ere, 147.283,31 euroko zorra du Ogasunarekin.

Zorra duten bertze enpresa batzuk, aldiz, higiezin eta eraikuntzaren sektoreari lotuak daude. Horien artean daude Leitzako Construcciones y Obras Pagozelay 262.453,45 euroko zorrarekin; Egoki Leitzakoa SCL 150.161,24 eurokoarekin; Elizondoko Construcciones Baztangoiza SL 178.927,14 eurokoarekin; eta Costrucciones Arraiotz S.L. 130.712,92 eurokoarekin.

Azkenik, Goizuetako Maderas Arraetxek 254.001,18 euro eta Doneztebeko Maderas Zabalak 686.667,27 euroko zorpetzea dute. Jatetxeen artean eskualdeko bakarra Urtxola da eta 136.818,08 euro zor ditu.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun