Hain zuzen, ekainaren 2an Iruritako besten baitan egin zuten bigarren topaketa. 85 txirrindulari gaztetxo bildu ziren, eguraldi bikaina aprobetxatuz. Probaren ondotik, ginkana ere egin zuten plazan eta akitzeko, ogitartekoa, edaria eta Movistarrek emandako botillatxoa izan zuten opari. Arkupe gozotegiak eskainitako pastak ere izan zituzten txirrindulariek nahiz ikusleek.
Zailtasunak zailtasun, CC Baztandarra txirrindulari elkarteak lortu zuen proba aitzinera ateratzea eta eskerrak eman nahi dizkiete Iruritako eskolako guraso elkarteari, luntxean laguntzeagatik, Arkupe gozotegiari, Iruritako Duatloiari edariak emateagatik, Jauzarrea eta Iruin etxeei, zirkuitoa egiteko lurrak uzteagatik, Rural Kutxari, Movistar txirrindulari taldeari, Franciscori musika-ekioparengatik eta ibilbidean lagundu zuten boluntario guztiei. Aipatzekoa eta zoriontzekoa da, DYAko mediku eta sokorrista taldeak ez zuela lanik egin beharrik izan.
