Gizonezkoen Urrezko Banakako Aizkolari Txapelketako finala ortzirale honetan Azpeitiko Izarraitz pilotalekuan jokatuko da, 22:00etan hasita. Iker Vicente (Otsagabia), Mikel Larrañaga (Azpeitia) eta Julen Alberdi Txikia IV.a (Azkoitia) ariko dira nor baino nor.
Baina ez da eguneko hitzordu bakarra izanen. Emakumeen arpana txapelketan hiru bikote ariko dira lehian eta tartean izanen da Itxaso Onsalo aresoarra, Leire Astiazaran zizurkildarrarekin bikotea osatuz. Garbiñe Lopez de Uralde eta Ruth Linazak osatuko dute bertze bikotea eta Karmele Gisasola Zelai III.a eta Uxue Ansorregik hirugarrena.
Gizonezkoen aizkora txapelketa gehiago ere jokatuko dira. Alde batetik, 23 urtez azpikoen mailan, hiru aizkolarik parte hartuko dute. Joxean Etxeberria II.a zigarrarekin batera, Julen Larrea III.a eta Oier Kañamares IV.a ariko dira. 19 urtez beheitikoetan, berriz, bertze hiru aizkolari: Hodei Ezpeleta, Xuban Kañamares V.a eta Aritz Azpiazu Arria VI.a.