A taldean, Ansa II.a-Arruarte, Juanenea-Labaka, Segurola-Zaldua eta Otaegi-Garces ariko dira; B taldean, berriz, Azpiroz-Zubiri, Goikoetxea V.a-Aizpuru III.a, Aldabe-Larrañaga eta Etxarri-Agirrezabala.
Lehen fasea ligaxka bidez jokatuko da; gero, finalerdiak jokatuko dituzte ekainaren 8an, talde bateko lehenbizikoak bertzeko bigarrenaen kontra, eta, azkenik, finala, ekainaren 15ean. Finalerdietan sartzen diren pilotariek gazte mailako sanfermin torneoa jokatzeko eskubidea lortuko dute.
Maiatzaren 16an, ortzegunean Galarretan jokatuko da lehenbiziko jardunaldia: Goikoetxea V.a eta Aizpuru III.a, Aldabe eta Larrañagaren kontra, alde batetik; eta Juanenea eta Labaka, Ansa II.a eta Arruarteren kontra, bertzetik. Jaialdiko hirugarren eta laugarren partidak izanen dira.