Hain zuzen, asteazkeneko lehen etapa Irunen abiatu eta Irrisarri Land parkean (3. mailako mendatea) bukatuko da, 104,2 kilometroren ondotik. Zigako gaina (3. maila) igaro beharko dute. Irrisarrin lehen aldetxoak egitea espero da, azken 1.700 metroek banaz bertze %9ko malda baitute, %15eko zatiekin.
Ortzeguneko etapak Hondarribia izanen du irteera eta helmuga, 128, 8 kilometroko ibilbidearekin. Ziga (3. Maila) eta Jaizkibel (1. maila) igo beharko dituzte.
Ortziraleko hirugarren etapak Hendaia eta Urdazubi lotuko ditu, 121 kilometroko luzerarekin. Saldias (2. maila), Gorostieta (2. maila), Belate (3. maila), Ziga (3. maila) eta Otsondo (3. maila) igoko dituzte, Urdazubin helmugaratu baino lehen.
Larunbatean, azkenik, etaparik laburrena izanen da, Irunen hasi eta bukatu, 77,7 kilometro. Tartean, Gurutze (3. maila), Aritxulegi (1. maila), Agiña (1. maila), San Martzial (2. maila) eta Erlaitz (1. maila) igoko dituzte.