‘Zakozar eta Marina’ eta ‘Bientzat’ izan dira ERRAN.EUSek antolatutako argazki lehiaketako irabazleak

Pello San Millan baztandarraren eta Jon Martinez lesakarraren argazkiak izan dira sarituak.

Pello San Millan baztandarraren eta Jon Martinez lesakarraren lanak izan dira sarituak.

Iker Gorosterrazuk irabazi du parte hartzaileen artean banatzen zen otordua.

ERRAN.EUS atariak antolatu duen III.argazki lehiaketara 33 argazki aurkeztu dituzte eta Pello San Millan baztandarraren Zakozar eta Marina argazkiak lortu du epaimahaiaren saria: Nekatur Euskadiko Nekazalturismo Elkarteak eskainitako Nekatur bono orlegia (bi lagunendako bi gau eta bi gosari). ERRAN.EUSeko erabiltzaileek ere izan dute sari bat banatzeko ardura eta 400 bozka inguru jaso dira. Jon Martinez lesakarraren Bientzat argazkia izan da bozka gehien jaso dituena; Elgorriagako bainuetxean bi lagunendako zirkuitua eta otordua irabazi ditu.

Parte-hartzaile guztien artean banatzen zen saria Iker Gorosterrazu iturendarrari egokitu zaio: Elbeteko posadan bi lagunendako otordua. Sari-banaketa apirilaren 30ean egitekoa dute.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun