Nafarroako Haur eta Gaztetxo kantari jaialdi nagusian ere parte hartu dute eskualdeko abeslariek

Ttipi-Ttapa 2019ko api. 16a, 08:57

Lesakako Tantirumairu ikastolak, Baztan ikastolak, Lekarozko institutuak eta Leitzako Aralar Udal Musika Eskolak ordezkaritza izan zuten apirilaren 13an Barañainen 

Apirilaren 13an ospatu zen Nafarroako Haur eta Gaztetxo Kantari jaialdi nagusia Barañaingo auditorioan. 145 haur eta gaztetxok 16 abesti kantatu zituzten. Tartean zeuden Lesakako Tantirumairu ikastolako, Baztan ikastolak eta Lekarozko institutuko taldeak eta Leitzako Aralar Udal Musika Eskolako bikotea ere.

Lesakako Tantirumairu ikastolako 6-11 urteko taldeak Baloreak elkartasuna abestu zuen. Baztan Ikastolako 11-12 urteko taldeak Huntzaren Gaztetxean bizirik, Lekarozko institutuko 15-16 urteko taldeak beraiek sortutako Gure kanta eta Leitzako Aralar Udal Musika Eskolako 13-14 urteko bikoteak Izaro eta Mikel Urdangarinen Errefuxiatuarena.

Beraiekin batera, Lodosako Ibaialde ikastola, Orkoiengo taldea, Lakuntza eskola, Noaingo eskola, Zarrakazteluko eskola, Sanduzelai ikastola, Auzalar eskola, Tafallako Garcés de los Fayos ikastola, Tuterako Argia ikastola, Lekunberriko Aralar Musika Eskola, Jaso ikastola eta Iruñeko Rompecuerdas musika eskolako abeslariak izan ziren.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun