Saridunen artean, D ereduko Lehen Hezkuntzan, Berako Ricardo Baroja ikastetxe publikoko Eneko Etxeberria Osuak eskuratu du lehen saria, ‘Tximeletaren maitemintzea’ ipuinarekin. Kategoria berean, Ricardo Baroja ikastetxeko Aimar Arandia Elizondok ohorezko aipamena jaso du, ‘Arantzako istorioa (egizko istorioa)’ idazlanarekin.
A ereduko Bigarren Hezkuntzan, berriz, Lekaroz BHIko Irene Alexandra Males Pintok eskuratu du lehen saria, ‘Aitatxi ez dago’ idazlanarekin. Kategoria berean, Lekaroz BHIko Francisco Gutierrezek ohorezko aipamena jaso du, ‘Aitzakiarik zaharrena’ ipuinarekin.
Aingeru Epaltzak, Inma Erreak, Ines Castiellak, Izaskun Etxeberriak, Fertxu Izquierdok eta Jon Abrilek osatu dute aurtengo epaimahaia. Saritutako egile bakoitzak diploma bat eta Pamiela argitaletxearen liburu sorta bana jasoko du, apirilaren 10ean Tuteran eginen den ekitaldian. Sustrai Colina bertsolari eta idazleak hartuko du parte sari-banaketetan, aurtengo edizioko artista gonbidatu moduan. Gainera, egile hauen guztien ipuinak biltzen dituen liburuxka argitaratuko du Pamielak eta ekainean aurkeztuko da, Iruñeko Liburu Azokan.