Apirilaren 2a Nazioarteko Haur eta Gazte Literatura eguna ospatuko da eta, apirilaren 23an Nazioarteko Liburu eguna izanen da. Apirilaren izaera literarioa probestuz, apirilaren 2an, Euskal Herriko Ikastoletan JUUL literatura-hauteskunde eguna ospatuko dute. Haur Hezkuntza, Lehen Hezkuntza eta DBHko ikasleak izanen dira botoa emanen dutenak. Euskaraz argitaratutako liburuak zein liburu ilustratzaileak izanen dira dira hautagai.
Hauteskunde hauek, ikastoletan irakurtzeko zaletasuna bultzatzeko egiten diren jardueren artean kokatzen dira. Benetako protagonista dira ikasleak, aukeraketa egiteaz gain, hauteskunde-mahaian lehendakari, mahaikide eta idazkari lanetan beraiek aritzen baitira. Horrela, hauteskunde-prozesu bat zer den ikasten dute ere bai.
Ikasleek botoa emateko bi era dituzte: batetik, bototxartelaren bidez, eta, bestetik, boto elektronikoaren bidez. JUUL web-orria, bozketa-elektronikoa egiteko plataforma izateaz gain, irakasleen irakurketa bultzatzeko baliabideen bilgune da: http://www.juulkanpaina.eus
Bozketa eginen da Arabako, Bizkaiko, Gipuzkoako, Nafarroako eta Iparraldeko ikastoletan 16.600 ikasle inguru parte hartuko dute, adinaren araberako kategorietan. Emaitzak, kontaketa egin ondoren eta, dena ongi joaten bada, egun horretan bertan, gauean, jakinaraziko dira.