Horretarako, garrantzi berezia hartzen du ETB-1ek lehen aldiz eskainiko dituela zuzenean apirilaren 7an Beasainen jokatuko diren finalak. «Ospatzeko moduko lorpen bat da» aitortu du Blanca Aranguren, Gipuzkoako egokitutako kirolaren federazioko lehendakari ordeak, martxoaren 20an Donostiak egindako aurkezpen ekitaldian. Bide batez pilotazaleei kantxetara gerturatzeko gonbidapena luzatu zien, «ikuskizunak benetan merezi« omen du eta.
Iurgi Olasagasti, Master Cuparen zuzendari teknikoak onartu du pilotarien maila izaten ari den garapenak asko zaildu dizkiola bikote orekatuak osatzeko lanak. Datu teknikoei dagokionean, 13 izanen dira adimen urritasuna duten parte hartzaileak eta igande honetan Azkoitian jokatuko den lehen kanporaketari begira bi multzo osatu dira. Parte hartzaileen artean lau emakume egotea ere oso positiboki baloratu du.
Gurpildun aulkian 17 pilotari
Gurpildun aulkien mailan 17 dira izena eman dutenak, Gipuzkoa, Nafarroa, Bizkaia, Ipar Euskal Herria eta Frantziatik etorritakoak. Tartean da Joseba Lasa lesakarra. Hemen ez da emakumezkorik baina deigarria da bertze kirol batzuetan aritzen diren kirolariak egotea, Juanjo Mancebo Bidaideak saskibaloiko taldeko kidea edo Juanjo Rodriguez errioxar tenislaria esaterako. Tartean ere bada inolako ezgaitasun fisikorik ez duen parte hartzailerik eta horrek benetako izaera integratzailea ematen dio lehiaketari. Kasu honetan lehiaketa igande arratsaldean jokatuko da Azkoitian
