Ibilaldi guzietatik bi Baztan-Bidasoko parajeetan eginen dira:
1- Pottoka urdinaren ibilbidea eta Etxelekua gasna dastaketa
Ibilaldi hau Urdazubin hasi eta Zugarramurdin akitzen da. Lezetik lezera doan ibilbidea, sorginkeriaz zipriztindua dagoena eta gasna zaporea duena. Etxelekua gasnategian eginen den dastaketarekin akituko da. Martxoaren 23an, apirilaren 22an eta ekainaren 1ean eskainiko dute, 10:00etan abiatuta, ibilbidearen ondotik 12:30ean eginen dute dastaketa. Izen-ematea Orbelaren telefonoan, 659 477396 telefonoan edo info@orbela-beintza.com hellbide elektronikoan, 24 ordu lehenago bitarte.
2- Iturbura (Bertiz) eta produktuen dastaketa Bertizko Ixiart artisautza dendan
Egur zaporea, zuhaitz usaina eta historia zertzeladak ditu ibilbide honek. Pedro Cigak eta Dorotea Fernandezek Nafarroako Diputazioari utzitako Natur Parkeko bidezidorretatik igarotzen da eta akitzeko, IXIART artisautza dendan bertako produktuak dastatzeko aukera eskaintzen du. Martxoaren 24an, maiatzaren 4an eta ekainaren 15ean, 10:30ean abiatuta, 13:00etan eginen dute dastaketa. Izen-ematea Navarra Naturalen telefonoan (628 649249) edo navarraalnatural@gmail.com helbide elektronikoan, 24 ordu lehenago bitarte.