Nafarroako Haur eta Gaztetxo Kantari jaialdiko lehen emanaldia eskaini dute larunbatean Lakuntzan

Leitzako Aralar musika eskolako, Baztan Ikastolako eta Lekarozko abeslariak izan ziren, bertzeak bertze

Martxoaren 9an ospatu zen Nafarrako Haur eta Gaztetxo Kantari Jaialdien edizioko lehen emanadia Lakuntzan. Bertako Kulturgunea adin guztietako ikuslez bete zen. 67 artistatxoen ahotsekin 6 kanta politetaz gozatzeko aukera izan zuten. Tartean Leitzako Aralar eskolako, Baztan ikastolako eta Lekarozko abeslariak aritu ziren.

Lakuntzako Eskolako haurrak, 7-8 eta 8-11 urte: gurasoen ilusio eta inplikazioearekin batera, bi kanta abestu zituzten 7-8 eta 8-10 urte bitarteko haurrek;

Leitzako Aralar Musika Eskolako 13 eta 14 urteko bikotea, aurretik askotan parte hartu duen eta beraien irakaslea den Garazi Erbitiren laguntzarekin: Leire Barinagarrementeria (leitzarra) eta Olaia Otermin (aresoarra), bien ahots ederrekin eta azken honen gitarraren doinuarekin gozatu ahal izan genuen;

Leitzako Aralar Musika Eskolako Abesbatza Txikia, 11-14 urte: musika eskola bertako irakaslea den Natxo de Estebanek letraren moldaketa egin zuen eta alaitasun handiarekin gozarazi gintuzten;

Elizondoko Baztan Ikastolako taldea, 11-12 urte: martxa ederrarekin abestu eta dantzatu zuten;

Lekarozko hirukotea, 15-16 urte: etorkinak, gaztelerazko adarrean ikasten dute baina, euskaraz abesteko ilusio handia erakusteaz gain, institutuan bertan beraiek sortutako kanta interpretatu zuten.

Amaia Domínguez Gonzalo, jaialdi hauen antolatzailea, pozik dago emanaldia horren polita izatea lortu zuten haur eta gaztetxo artistekin, Lakuntzako udalak emandako laguntzarekin eta irakasle eta gurasoen lanarekin.

 

Hurrengo hitzorduak

Datorren larunbatean, martxoak 16, Tuterako Bigarren Hezkuntzako Institutuko aretoan, 18:00etan izanen da bigarren jaialdia.

Hirugarren jaialdia Antsoainen izanen da, 23an, ordu berean. 

Eta, aurtengo edizioari amaiera emateko, Jaialdi Nagusia ospatuko dute Barañaingo Auditorioan, Nafarroako Gobernuaren laguntzari esker. Azken emanaldi handi honek aurreko herri eta zentroetako partaideak bilduko ditu ikuskizun ederrean.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun