Urrezko Banakako Aizkolari Txapelketan, Nerea Sorondorekin batera, Maika Ariztegi iturendarra eta Irati Astondoa aritu ziren. Beratarra zen faboritoa eta ez zuen hutsik egin. Nagusitasunez jantzi zuen txapela. 06:33ko denbora behar zuen lanak bukatzeko. Iazko txapeldunak, Ariztegi iturendarrak, 07:41eko denbora egin zuen eta Irati Astondoak zortzi minututan bukatu zituen lanak.
Binakakoan, berriz, Iker Vicente eta Ruben Saralegi (Leitza) joan den urteko txapeldunek ez zuten arazorik izan aurten ere txapela eskuratzeko. 27 minutu eta bederatzi segundo behar izan zituzten lanak bukatzeko. Julen Alberdi Txikia IV.a eta Aitzol Atutxa bigarren gelditu ziren (28:15) eta Mikel Larrañaga eta Eneko Otaño hirugarren (29:37).
23 urtez azpikoetan, Joxean Etxeberria zigatarra Ariz Aspiazu Arria VI.arekin aritu zen eta hirugarren gelditu ziren. 13 minutu eta hiru segundo behar izan zituzten lan guztiak bukatzeko.