Baina, noski, dena ez zen jana eta edana izan. Bertaratutako solaslagunek beren esperientzia kontatu zieten informatzera etorritakoei: lehenbiziko urteetako kontuak, denborarekin egindako lorpenak, ekintza osagarriak… Bidenabar, taldeetako solaslagunak elkartzeko eta oraindik martxan paratzear zeuden taldeekin biltzeko aukera hagitz ona izan zen.
Aipatzekoa da Doneztebe eta Berako Solaslagun taldeetan mintzapraktiketan laguntzeko bi boluntario behar dituztela oraindik. Euskara ongi menperatzea eta mintzapraktika taldeari astean ordu bat eskaintzea bertzerik ez dute eskatzen.
Interesatuek Solaslagunaren Txokoarekin harremanean jarri behar dute, 610 920673 telefonora deituz edo solaslaguna@topagunea.eus helbide elektronikora idatziz.