Hainbat hektarea erre dira asteburuan izan diren suteetan

Hainbat hektarea erre dira asteburuan izan diren suteetan

Suak eskualdeko hainbat tokitan eragin ditu kalteak. Almandozen, erraterako, 27 hektarea erre dira baina horrez gain, Donamarian, Arraiozen, Arantzan, Zubietan, Iruritan, Erratzun (Izpegi gainean), Etxalarren, Beran eta Amaiurren ere mendiak erre dituzte.

Oronozko suhiltzaileek hainbat sute itzali behar izan dituzte asteburuan. Larunbat ilunabarrean, erraterako, Berroeta eta Almandoz artean, igande goizaldera arte aritu ziren sua itzaltzen. Haize zakarrak are gehiago zaildu zuen euren lana eta Oronozko suhiltzaileekin batera Cordovillakoak ere aritu behar izan zuten. Guztira 27 hektarea erre ziren: batez ere haritzondoak dira baina badira gaztainondoak ere. Horrez gain, Iruñea eta Irun lotzen dituen N-121-A errepidea ere itxi egin behar izan zuten Almandoz parean, kearen ondorioz ez zelako ongi ikusten. 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun