Saio puntugarriaren ondotik, Etxarri Aranazko Saats Karasatorrek eskuratu du puntu gehien (253,5), eta hortaz, martxoaren 3an Atarrabian jokatuko den lehen finalaurrekorako txartela eskuratu zuen. Haren gibeletik sailkatu ziren Alazne Untxalo, Aimar Karrika, Eneko Fernandez, Joana Ziganda eta Mikel Lasarte. Bost bertsolari hauek gainontzeko final-laurdenetako puntuazioen zain egon beharko dute hurrengo fasera sailkatzen diren jakiteko.
Honela geratu zen Tuterako saioko puntuazioa:
|
Saats Karasatorre Martinez |
253,5 |
Urdazubin Julio Soto txapelduna nagusi
Urdazubin jokatu zen igandean bigarren final-laurdena. 130 lagun inguru bildu ziren Kultur Etxean. Haien aitzinean aritu ziren Julio Soto, Saioa Alkaiza, Iker Gorosterrazu, Iban Garro, Irati Majuelo eta Sahats Aleman. Ainhoa Larretxeak egin zituen gai-jartzaile lanak. Epaile, berriz, Arkaitz Goikoetxea, Amaia Telletxea eta Joseba Beltza aritu ziren. Nafarroako Bertsozale Elkarteak Urdazubiko Udalaren laguntza jaso zuen saioa antolatzeko.
Saio puntuagarriaren ondotik, Julio Sotok eskuratu zuen puntu gehien (265), eta hortaz, martxoaren 9an Etxarri Aranatzen jokatuko den finalaurrekorako txartela eskuratu du. Haren atzetik sailkatu dira Iker Gorosterrazu, Saioa Alkaiza, Iban Garro, Irati Majuelo eta Sahats Aleman. Bost bertsolari hauek gainontzeko final-laurdenetako puntuazioen zain egon beharko dute hurrengo fasera sailkatzen diren jakiteko. Osotara, 18 bertsolarik egingo dute aurrera, oraingo 24tatik.
Honela geratu zen Urdazubiko saioko puntuazioa:
|
Julio Soto Ezkurdia |
265 |
Heldu den larunbatean izanen du segida Nafarroako Bertsolari Txapelketak, Iruritako Gizarte Bilgunean, 17:30ean. Han ariko dira Xabi Maia, Xabier Terreros, Joanes Illarregi, Patxi Castillo, Xabat Illarregi eta Endika Legarra, Zigor Gartzia “Zian” gai-jartzailearen aginduetara. www.bertsosarrerak.eus atarian eskuratu daitezke sarrerak, bai eta Elizondok Fantxike dendan ere bai. Larunbatean bertan, gainera, zabalik izanen da Iruritako Gizarte Bilguneko leihatila, 16:00etatik aurrera, baldin eta aurre-salmentako sarrera guztiak bukatu ez badira.
erran.eus webguneko erabiltzaileek ere Iruritako saiorako sarrera bikotz baten zozketan parte hartzeko aukera izanen dute.
