Igandean San Blas egun handia dute Abadiñon (Bizkaia) eta probalekuan izanen da herri kirol saioa eguerdiko 12:00etan hasita. Binaka ariko dira Aitzol Atutxa eta Julen Alberdi Txikia IV.a, Xabier Orbegozo Arria V.a eta Jon Rekondo leitzarraren kontra. Emakumezkoetan, Zeanuriko Irati Astondoa eta Lesakako Xanta Sousa izanen dira aurrez aurre. A multzoko bigarren postua izanen dute jokoan, Maika Ariztegi iturendarrak segurtatu baitu lehenbizikoa. Harri-jasotzen Imanol Illarramendi ‘Kortaberri’ ariko da.
Otsailaren 5ean, asteartean 18:30ean Beasaingo Antzizar pilotalekuan jokatuko da bertze jardunaldi bat. Aizkoran, Iñaki Azurmendi eta Ugaitz Mugertza II.a gipuzkoarrak A multzoko bigarrenen kontra ariko dira eta irabazleek hiruko finalerako txartela lortuko dute. Emakumezkoetan, Nerea Sorondo beratarra A multzoko hirugarrenaren kontra ariko da, hau da, Abadiñon galtzaile suertatzen denaren kontra: Astondoa edo Sousa. Irabazlea finalean izanen da, Maika Ariztegi eta Abadiñoko irabazlearekin batera. Harri-jasotzen azkenik, Aimar Galarraga ariko da.