Larunbatean 11:45ean Bulebarrean egina dute hitzordua. 12:00etan, Euskararen Donostia bisita gidatuaz gozatzeko aukera izanen dute. Bisita ongi bukatzeko, pintxo bana janen dute.
Ondotik, 14:30 aldera, Donostiako mintzalagunek prestatuko bazkaria izanen dute (menua: baratxuri zopa, legatza, postrea eta kafea).
Joan-etorria errazteko, garraio-zerbitzua izanen da. Autobusa Oronozen geldituko da 10:40ean eta 10:55ean, Beran (kanpoko gasolindegian, Iruneko noranzkoan).
Ekintza irekia da eta parte hartzeko baldintza bakarra, euskaraz komunikatzeko gai izatea da.
Izen-emateak eta ekintzari buruzko informazio osagarria, Solaslagunaren txokoan: 610 92 06 73 edo solaslaguna@topagunea.eus
Baztanen aurkezpen-meriendak
Gogoratu behar da Solaslaguna egitasmoa aurkezteko aurkezpen-meriendak egiten ari direla eskualdean. Joan den astean Malerrekan eta Bortzirietan egin zituzten eta aste honetan, Baztangoa izanen dute. Urtarrilaren 24an, ortzegunean 19:00etan dute hitzordua Elizondoko Arizkunenea kultur etxean.