Hondakinen egutegiarekin egiten den zozketaren aurtengo lehendabiziko saria banatu dute

Elizondoko Maria Josefa Zaldua Azkaratek irabazi du 300 euroko erosketa-txartela 

Elizondoko Maria Josefa Zaldua Azkarate izan da Baztango Udalak, eta Bortzirietako eta Malerrekako Mankomunitateek etxez etxe banatutako hondakinen egutegiegin egindako zozketan aurten eskualdeko dendetan gastatzeko 300 euroko erosketa-txartelarekin saritua izan den lehendabizikoa. Zozketa urtarrilaren 2an egin zen eta argazkian ikus daitekeen bezala, Joseba Otondo Bikondoa Baztango alkateak eta Miren Meoki Udaleko hondakin teknikariak entregatu zuten saria. Zorionak eta erosketa on!!