Solaslagunaren aurkezpen berenduak eginen dituzte egunotan

Ttipi-Ttapa 2019ko urtarrilaren 14a

Solaslagunaren aurkezpen berenduetako bat, iaz.

Hilaren 16an Donezteben, 17an Beran eta eta 24an Elizondon izanen dituzte Malerreka, Bortziriak eta Baztango aurkezpenak

Urtarrilean izen-emate kanpainaren bigarren zatian sartuko da bete-betean Solaslaguna egitasmoa. Horren harira, Solaslagunaren aurkezpen berenduak izanen ditugu eskualde guzian. Aurkezpen hauen helburua, interesa duen edozeini proiektuari buruzko informazioa ematea da, giro onean eta berendu goxo baten inguruan. Gainera, eskualdeko hainbat Solaslagunek ere hartu ohi dute parte aurkezpenetan eta beraien esperientzia partekatzen dute. Hauek dira finkatutako data eta orduak:

Malerrekako aurkezpena:

Urtarrilaren 16an, asteazkenean arratsaldeko 19:00etan, Malerrekako mankomunitatearen egoitzan (Doneztebe).

Bortzirietako aurkezpena:

Urtarrilaren 17an, ortzegun arratsaldeko 19:00etan, Berako Beralandeta aretoan.

Baztango aurkezpena:

Urtarrilaren 24an, ortzegun arratsaldeko 19:00etan, Arizkunenean.

Solaslaguna egitasmoan izena emateko epea irekia dago urte guzian, beraz interesa duen edonork harremanetan jartzea bertzerik ez du, 610 920673 telefonora deituz edo solaslaguna@topagunea.eus helbide elektronikora idatziz.

Euskara

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun