Finalerdietako partiden aitzinetik, Nazioarteko Erremonte Zirkuituaren sariak eman zituzten Labriten. Atzelarien artean, Barrenetxea IV.a izan da onena eta aurrelarien artean, Xanti Uterga doneztebarra. Zirkuitua hartu duten hirietan haurren minbizia lantzen duten elkarteei ere diru-saria eman zitzaien. Ondotik, Martiko babesle-etxeko Joseba Martikorenak eta Intiako Juanma Intxaurrandietak finalerdietako sakeak erabakitzeko txapak bota zituzten.
Larunbateko finalak ez du pronostiko garbirik. Urriza da gaur egungo txapelduna, baina Urtasunek 2010etik 2013rako edizio guztiak irabazi zituen eta indartsu bueltatu da konpetiziora.
