Aurten nazioartean saritutako Idiazabal gaztagileei aitortza egin diete Ordiziako Eguberrietako azokan

Ttipi-Ttapa 2018ko abe. 27a, 15:36
Deskargatu Info Ahotsak :
Español English Français Català Galego

Ordiziako Eguberrietako azokan aitortza egin zitzaien saritutako gaztagileei.

Tartean daude Urdazubiko Bengotxea, Orabideko Kortariko gasna eta Bertizaranako Ardiarana

Aurten nazioartean sarituak izan diren Idiazabal Jatorri Izendapeneko gaztandegien aitortza ekitaldia egin zuen Idiazabal Jatorri Izendapenak eta Ordiziako Idiazabal gaztaren kofradiarekin elkarlanean Ordiziako Eguberri eguneko azokan. Horien artean zeuden Orabideko Kortaria, Urdazubiko Bengotxea eta Bertizaranako Ardiarana.

Hamabigarren urtea da Idiazabal Jatorri Izendapeneko gaztandegiek World Cheese Awards lehiaketan parte hartzen dutela. Emaitza «ezinhobea» izan da aurtengoan ere, 62 domina lortuz: Urrezko 13, zilarrezko 27 (bi lortu zituen Bertizaranako Ardiaranak), eta brontzezko 22 (1 Bengotxeak eta 1 Kortariko Infernuko gasnak).

Bertzetik, Gourmet Quesos lehiaketan Urrezko domina lortu zuen Kortariak apirilean Madrilen eta Erresuma Batuko Great Taste Awards lehiaketan izar bat lortu zuen Bengotxeak. Seu D'Urgell-eko Pirinioetako Artisau Gazten lehiaketan brontzezko domina lortu zuen Bengotxeak.

Bertze lehiaketetan ere sariak jaso dituzte Idiazabal Jatorrizko Izendapeneko gaztek.

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!