Klika da aurtengo leloa, eta antolatzaileek azaldu dutenez «Klika egitea aukera bat hartzea da, euskararen aukera hartzea, hautua egitea» islatu nahi dute. Euskararekiko «konpromisoa» dute helburu.
Txillardegi omenduko dute. Euskara Batuaren 50. urteurrena dela eta, bere ekarpenak goraipatzeko aukera ona delakoan. Alvarez Enparantzaren ibilbide anitza bezain oparoa goraipatuko dute. «Literaturan, ikerkuntzan, irakaskuntzan, euskalgintzan...» egindako lanagatik eta bereziki «bere sasoian euskarari klika egiteagatik».