Mendi abesbatza Sunbillan
Mendi abesbatzak Sunbillako Elizan abestuko du astelehenean 13:00etani Emanaldi honetarako Nafarroarekin zein euskararekin zerikusi berezia duten kantak aukeratu dituzte, izan ere, egun berean ospatzen baitira Nafarroaren Eguna eta Euskararen Nazioarteko Eguna. Tartean izanen dira egile nafarren lanak edota nafarroako doinuen gainean sorturiko obrak; Lorenzo Ondarraren Herri Behera, Elizondon jasotako melodiaren gainean Xabier Sarasolak sorturiko Neskatx' Ederra obra edota Aita Donostiaren Hiru Txito. Eta baita euskal munduan ezagunen ditugun hainbat doinu; Baratze bat eta Xalbadorren Heriotzean erraterako. Kontzertua Nafarroako Ereserkiarekin hasiko da.
Elizondo, Bera, Lesaka…
Elizondoko musika bandak astelehenean 13:00etan eskainiko du kontzertua Arizkunenea Kultur Etxean; Lesakako elizan Iruñeko San Francisco de Asis koralak eskainiko du emanaldia 12:00etan eta Berako San Esteban elizan, Iruñeko ahots baxuen abesbatza ariko da kantari.
Mendi abesbatza Eguberrietakoa prestatzen
Eguberrietako Kontzertu Berezia ere antolatzen ari dira Mendi abesbatzako kideak. Hilaren 14an izanen da Doneztebeko Elizan 20:000tan eta ez da nolanahiko urtea izanen, Donostiako Udalaren Txistulari Taldea etorri zenetik 10. urteurrena ospatuko baitute. Horretarako Eguberri giroko zein bertzelako melodia kuttunak tentuz aukeratu dituzte, eta noski, Mendi Ttiki Abesbatzaren zein Agorreta Musika Eskolako ikasleen laguntza izanen dute.