Gorka Urtasun iruritarrak Aizpuru III.arekin eginen du bikote, Xanti Uterga doneztebarrak Labakarekin eta Aritz Juanenea saldiastarrak Larrañagarekin
Azpeitiko Udalak antolatutako XIX. Azpeitiko erremonte txapelketa urriaren 12an abiatuko da. Sei bikote ariko dira, bi multzotan banatuak, Lehenbiziko partidak urriaren 12an, ortziralean 18:30ean hasita jokatuko dituzte: Ansa II.a eta Azpiroz, Matxin III.a eta Aizpuru III.aren kontra A multzoan eta Gorka Urtasun iruritarra eta Aizpuru III.a, Aritz Juanenea saldiastarra eta Larrañagaren kontra B multzoan.
A multzoan, Segurola eta Ion da hirugarren bikotea eta B multzoan, Xanti Uterga doneztebarra eta Labaka. Hauek, urriaren 12ko galtzaileen kontra ariko dira urriaren 19an eta irabazleen kontra 26an. Multzo bakoitzeko irabazleek azaroaren 2an jokatuko dute finala.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.