erran.eus

Nafarroako Gobernuak 30.000 euro emanen dizkie udalei, baserrien kokalekua zehaztu eta seinaleztatzeko

  Gizartea  Mendialdea

Eskualdeko dozena bat herritan sakabanatuta dauden baserrietan identifikazio-plakak jarriko dituzte

Nafarroako Gobernuko Herrizaingoko Zuzendari Nagusiak Nafarroako Udalei 30.000 euroko diru-laguntza ematea eta ordaintzea onartu du, 2018an, sakabanatuta dituzten baserrien kokalekua zehaztu eta seinaleztatzeko. Horrela jasotzen zuen urriaren 4ko Nafarroako Aldizkari Ofizialak Boletín Oficial de Navarra. Guztira Nafarroako 12 bat herri izanen dira diru-laguntzaren hartzaileak, denak Ttipi-Ttapak hartzen duen eskualdean, Metro-Baserria diseinatzeko Metro-Baserri eta identifikazio-planak egiteko.

Nafarroako Gobernuak 30.000 euro emanen dizkie udalei, baserrien kokalekua zehaztu eta seinaleztatzeko
Eskualdeko zenbait herritan eginak dituzte dagoeneko metroen antzeko planoak. Argazkian, Zubietakoa. | Ikusi handiago | Argazki originala

 

Bera, Goizueta, Arantza, Lesaka, Zubieta, Etxalar, Leitza, Sunbilla, Igantzi, Arano, Ituren eta Areso dira deialdira aurkeztutako herriak. Horiek guztiek baserri sakabanatuak dituzte Nafarroako Gobernuko Posta Helbideen Kudeatzailean. Nafarroako posta-helbide bat identifikadore uniboko batekin lokalizatzen laguntzen duen Helpbidea web-aplikazioaren hedapenean aurrera egingo da, eta, horrela, landa-eraikin bakoitza lokalizatuta egongo da eta premiazko kasuetan larrialdietako zerbitzuak errazago iritsiko dira.

Identifikazio-plaken aplikazioak Nafarroako posta-helbide bat lokalizatzeko hainbat irizpide konbinatzen ditu, esaterako: udalerria, erakunde bereizia, bidea, ataria, etxearen izena eta ID helpbidea. Modu horretara, lokalizazio-akatsengatik gerta daitezkeen arazoak ekidingo dira.

Nafarroako Gobernuko Lehendakaritza, Funtzio Publiko, Herrizaingo eta Justizia Saileko kontseilariak, José Beaumont andreak, “Helpbidea” proiekturako diru-laguntzetarako deialdiaren harira, sakabanatutako baserriak lokalizatzea oso garrantzitsua zela azaldu zuen, «larrialdietako zerbitzuak eta gainontzeko zerbitzu publikoak haietara iristeko”. Ildo horretatik, azpimarratu zuen proiektu horrekin hobekuntza bat lortuko dela “urrunago bizi diren edo komunikazio okerragoa duten pertsonei arreta emateko».

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa