erran.eus

Urrizak eta Barrenetxeak irabazi dute Nazioarteko Erremonteko Zirkuituko jardunaldia Baionan

  Kirola  Mendialdea

Hurrengo hitzordua urriaren 5ean izanen dute Sorian

Baionako Lycée Cassin pilotalekuan jokatu zen igandean Nazioarteko Erremonte Zirkuituko bederatzigarren jardunaldia. Lehen partidan, Uterga eta Etxeberria III.ak 20-16 irabazi zieten Ezkurra II.a eta Ioni. Bigarrenean, Urriza eta Barrenetxea IV.ak 20-13 irabazi zieten Ezkurra II. eta Ioni eta azkenekoan, lehen bi partidetako irabazleen arteko lehian, Urrizak eta Barrenetxeak 20-12 irabazi zieten Uterga eta Etxeberriari.

Urrizak eta Barrenetxeak irabazi dute Nazioarteko Erremonteko Zirkuituko jardunaldia Baionan
Erremontelariak Baionako jardunaldiaren atariko aurkezpenean. | Ikusi handiago | Argazki originala

 

Gisa honetara, atzelarien artean lidergoa sendotu du Barrenetxeak, orain arte jokatu dituen 18 partidetatik 14 irabazi baititu. Ionek 8 irabazi ditu eta Etxeberria III.ak 5.

Aurrelarien artean berdinduagoa dago kontua: Utergak 11 irabazi ditu, Urrizak 9 eta EzkurraII.ak 7.

Nazioarteko Erremonte Zirkuituko hamargarren jardunaldia Sorian jokatuko dute urriaren 5ean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa