Gobernuak 19 toki erakunde eta irabazi asmorik gabeko 17 elkarte diruz lagundu ditu

Ttipi-Ttapa 2018ko ira. 4a, 10:03

Horien artean dira Berako Udala eta Bortzirietako Gizarte Zerbitzuen Mankomunitatea

Nafarroako Gobernuak, terrorismoaren eta 36ko indarkeriaren biktimen errekonozimenduzko ekitaldiak, laguntza memorialistak, kulturartekotasuna sustatzeko ekintzak eta bakea, bizikidetasuna eta Giza Eskubideen inguruko balioen sustapeneko jardueretarako 170.09,51 euroko laguntza eman du. Laguntza jaso duten 19 toki erakunde eta irabazi-asmorik gabeko 17 elkarteren artean, bertzeak bertze, Berako Udala eta Bortzirietako Gizarte Zerbitzuen Mankomunitatea izan dira onuradunak. 

 

Diru-laguntza horien bidez, biktimen erreparazioa egiten, memoria bultzatzen eta bakearen kultura nahiz errespetuaren, aniztasunaren, kulturartekotasunaren eta bizikidetasunaren balioak sustatzen laguntzen duten jardueren inguruko inbertsioan eta antolaketan laguntzen duten ekimenak bultzatu nahi izan dituzte. 

Horrela bada, Berako Udalak, 36ko kolpe militarraren biktimen oroimena eta errekonozimenduaren harira jarritako monolito eta plaken ordainetan 6.000 euro jaso ditu; Bortzirietako Gizarte Zerbitzuen Mankomunitateak, berriz, gurasoendako antolatutako sare sozialen erabilerari buruzko SARE-ON ikastaroengatik, 175 euro jaso ditu. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun