Donamariako Benta eta Elbeteko Posada, Nafarroako ‘slow food’ jatetxeen artean saritu dituzte

Donamariako Benta eta Elbeteko Posada, Nafarroako ‘slow food’ jatetxeen artean saritu dituzte
Slow Food jatetxeetako ordezkariak: ezkerretik hasita lehena, Donamariako Bentako Haizea Luzuriaga eta seigarrena, Elbeteko Posadako Belen Urrutia.

‘Hemen ez da deus soberan’ kanpainako tupper berrabilgarriak banatuko dituzte

Hanburgesa, pizza eta sandwicharen garai honetan, ‘slow food’ edo mantso jatearen aldeko apustua egin duten Nafarroako jatetxeak saritu nahi izan ditu Iruñeko Napardi elkarteak. Nafarroa osoko hamar jatetxeen artean daude Donamariako Benta eta Elbeteko Posada.

 

Slow food, Zero Kilometroarekin bat egiten duen kontzeptua da, hau da, inguruan duguna erosi eta jatearekin. Beraz, Nafarroako Slow Foodeko Zero Kilometroa txapak banatu dizkie Napardi elkarteak Nafarroako hamar jatetxe horiei.

Donamariako Benta eta Elbeteko Posadaz gain, Valdorba hotela (Santsoain), Txoko de Gartxenia (Larraintzar), Txapi Txuri (Murillo el Fruto), Tubal (Tafalla), Trinquete (Tutera), Maskarada (Lekunberri), Alma-Muga de Beloso (Iruñea) eta Proyecto Caracol (Lizaso) saritu dituzte.

Sari banaketan, Aquí no sobra nada (Hemen ez da deus soberan) kanpaina ere aurkeztu zuten Ultzama Fundazioak eta Nafarroako Slow Food elkarteak, Caja Navarra Fundazioaren laguntzarekin. Janaria ez botatzeko helburuarekin, tupper edo fiambrera berrerabilgarriak banatuko dituzte jatetxe hauetan.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun