Aitzineko urteetako datuei begira, arazitako metro kubikoak guttitu direla erran dezakegu. Izan ere, 2016an 78.449.268 metro kubiko izan ziren, 2015ean, aldiz, 78.522.998. Beraz, kontsumoak beheiti egin duela erran genezake.
5,7 milioi euroko inbertsioa egin da depurazio instalazioetan
Joan den urtean 5.785.025 euroko inbertsioa egin zen. Hainbat herritako instalazioak bukatu, bertze batzuk hasi zituzten. Bertzeak bertze, Urdazubin, Aranon eta Baztanen inbertsioak egin ziren. Urdazubiren kasuan lizitatu egin zen, Aranori dagokionez, idazketa egin zen eta Baztanen, berriz, depuradoran moldaketa-lanak egin ziren.