Larunbatean Hondarribitik Berarako bidea egin zuten eta igandean Beratik Elizondora
Hondarribiko Higuer lurmuturra eta Kataluniako Cap de Creus lotzen ari den Elkartasun Transpirenaica eskualdean barna igaro da asteburu honetan. Larunbatean egin zuten lehen etapa, Hondarribia eta Bera artean. Igandean, berriz, Bera eta Elizondo artekoa egin zuten. Astelehenean, Elizondo eta Urkiaga artekoa egitekoa dute eta, aitzinera begira, denera 800 kilometro eginen dituzte, 42 etapatan banatuak.
Duela sei urte sortutako ekimena da, Bartzelonako Fundació Formació i Treballen eskutik, gizarte inklusioa ikusarazteko, eta 800 gazte inguruk hartuko dute parte, 16 herrialdetakoak eta 4 kontinentetakoak. Arduradunetako bat, garai batean Bortzirietan irakasle aritutako Patxi San Juan da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.