Ortzegunean egin zuten finalerdi honetarako pilota aukeraketa Galarretan. Eloy ez zen bertan izan eta Zubirik aukeratu zituen bikotearen pilotak. Bertze finalaurrekoa ekainaren 23an jokatuko dute Etxabe eta Labakak, Barricart eta Zalduaren kontra.
Koteto Ezkurraren garaipena
Irailaren 29an azken agurra egin aitzinetik jokatu behar dituen 10-12 partiden artean lehenbizikoa irabazi du Koteto Ezkurrak ortzegunean Galarretan. Ionekin bikote eginez, 40-39 irabazi zien Xanti Utergari eta Endika Urrutiari, partida borrokatu eta bikain baten ondotik. Urdinak 35-39 irabazten ari ziren, baina Ezkurrak azken bortz tantoak egin zituen bata bertzearen ondoan, garaipena lortuz. Hirugarren partidan ere, tanto bakarrarengatik irabazi zieten Ezkurra II.ak eta Azpirozek, Zeberio II.a eta Agirrezabalari, 39-40.
Ekainaren 14ko emaitzak Galarretan
1. Goikoetxea V.a eta Garcesek, 35; Etxarrik eta Zalduak, 24
2. Ezkurra eta Ionek, 40; Uterga eta Endikak, 39
3. Zeberio II.a eta Agirrezabalak, 39; Ezkurra II.a eta Azpirozek, 40
4. Matxin III.a eta Labakak, 17; Segurola eta Larrañagak, 30