Uterga eta Azpiroz nagusitu dira Nazioarteko Erremonteko Zirkuituko bigarren jardunaldian

Ttipi-Ttapa 2018ko eka. 7a, 13:10

Ekainaren 2an Madrilen jokatu zuten zirkuituko bigarren jardunaldia.

Ekainaren 2an Madrilen jokatukoaren ondotik, ekainaren 9an Gasteizko Ogetan eta 10ean Bilbon jokatuko dituzte hirugarren eta laugarren jardunaldia

Ekainaren 2an Madrilen jokatu zen 2018ko Nazioarteko Erremonte Zirkuituaren bigarren jardunaldia. Xanti Uterga doneztebarrak eta Barrenetxea IV. Ordezkatu zuen Azpiroz gazteak bi partidak irabazi zituzten: lehenbizikoa Urriza eta Etxeberria III.aren kontra (20-13) eta bigarrena Ezkurra II.a eta Ionen kontra (20-18). Urriza eta Etxeberria III.ak 20-18 irabazi zieten Ezkurra II.a eta Ioni bertze partidan.

Asteburuan Gasteizen eta Bilbon

Erremontearen Nazioarteko Zirkuituak segida izanen du asteburu honetan Euskal Herriko bi hiriburutan.

Gasteizen ekainaren 9an, larunbatean 12:00etan Ogetan jokatuko dute eta Urriza-Barrenetxea IV.a, Uterga-Etxeberria III eta Ezkurra II-Ion izanen dira bikoteak.

Bilboko Bizkaia pilotalekuak ekainaren 10ean, igandean 17:30etik aitzinera hartuko du laugarren jardunaldia. Urriza-Ion, Uterga-Barrenetxea IV.a eta Ezkurra II.a-Etxeberria III.a izanen dira bikoteak.

Ondotik, Iruñea (uztailaren 13an), Xixon (uztailaren 21ean), Hendaia (uztailaren 27an), Donostia (abuztuaren 5ean), Baiona (irailaren 16an), Soria (urriaren 7an), Bartzelona (urriaren 13an) eta Zaragozan (urriaren 14an) jokatuko dituzte jardunaldiak.

Kirola

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun